Pointy greyhound hood: Unngå forfrysningar

Pointy greyhound hood kan vera løysinga på eit problem du ikkje visste du hadde.

Kulde og god dyrevelferd

Akkurat som oss menneske, kan hundar få frostskadar når det er kaldt. Diverre vert dette problemet ofte oversett av oss dyreeigarar, og veterinærar får inn dyr med frostskadar kvart einaste år. Øyrer, hale, potar og kjønnsorgan er mest utsett sidan det rett og slett ofte er lite pels her. Som hundeeigarar er det vårt ansvar å sørgja for god dyrevelferd når me er ute med hunden på kalde vinterdagar. Anten dette berre er rett ut for å tissa eller om det er lengre turar. 

Bruk dekken

Dei aller fleste som ikkje har polarhundar eller hundar med tjukk underull, vel å bruka dekken som dekkar bringa og magen på kalde vinterdagar samt potesokkar. Det er lett å sjå at hunden frys eller er utilpass når han pip, skjelv og løftar på beina for å unngå den kalde snøen. Og det er like lett å ta på dekken og potesokkar. Men hundane seier ikkje i frå på same måten når øyrene blir kalde og resten av kroppen er varm. Samanlikna med resten av kroppen, har øyrene stor overflate, tynn hud og ofte tynn pels. 

Løysinga på dette er “enkel”: Nemleg å kle på øyra. Og eg har brukt hermeteikn for det det er ikkje alltid like enkelt. Eg har fleire gonger prøvd å ta på Nanna buff, ein over øyrene og ein på halsen. Etter sånn omlag 2 sekund ligg begge så langt ned mot skuldrene som mogleg.